აფხაზეთის ა.რ მთავრობის თავმჯდომარე გიორგი ჯინჭარაძე საგარეო საქმეთა სამინისტროში ჟენევის საერთაშორისო მოლაპარაკებების 68-ე  რაუნდის მოსამზადებელ შეხვედრაში  მონაწილეობდა.

 საქართველოს მხრიდან შეხვედრას ხელმძღვანელობდა საგარეო საქმეთა მინისტრის მოადგილე და ჟენევის საერთაშორისო მოლაპარაკებებში (GID) საქართველოს დელეგაციის ხელმძღვანელი, ლაშა დარსალია.

 შეხვედრაზე  ქართულმა მხარემ განსაკუთრებული ყურადღება გაამახვილა საქართველოს ოკუპირებულ რეგიონებსა და საოკუპაციო ხაზის მიმდებარე ტერიტორიებზე უსაფრთხოების, ჰუმანიტარული და ადამიანის უფლებების კუთხით არსებულ გამოწვევებზე. ასევე, ხაზი გაესვა რუსეთის მიერ საქართველოს ოკუპირებული რეგიონების უკანონო ანექსიისკენ მიმართულ ქმედებებს, რომლებიც საერთაშორისო სამართლის ფუნდამენტურ პრინციპებს ეწინააღმდეგება.

 საგარეო საქმეთა სამინისტროს მიერ ორგანიზებულ შეხვედრაში მონაწილეობა მიიღეს ევროკავშირის, ეუთოსა და გაეროს თანათავმჯდომარეებმა და დელეგაციამ.