28 სექტემბერი საქართველოს ეროვნული გმირის, გენერალ-მაიორ გენო ადამიას დაღუპვის დღეა.

ეროვნული გმირის საფლავი ყვავილებით შეამკეს და მის ხსოვნას პატივი მიაგეს აფხაზეთის ა.რ მთავრობის თავმჯდომარემ გიორგი ჯინჭარაძემ, აპარატის უფროსმა და მინისტრთა კაბინეტის წევრებმა.

გენო ადამია 1993 წლის 28 სექტემბერს, სოხუმის დაცემიდან მეორე დღეს, მდინარე კელასურის ხიდთან დაიღუპა.

2020 წლის 22 სექტემბერს გენო ადამიას საქართველოს ეროვნული გმირის წოდება მიენიჭა. დაჯილდოებულია ვახტანგ გორგასლის I და III ხარისხის ორდენებით.