თბილისის ვანო სარაჯიშვილის სახელობის სახელმწიფო კონსერვატორიის დიდ საკონცერტო დარბაზში ცნობილი მგალობლის, წმინდა გიორგის ოქროს ორდენის კავალერის, ლია სალაყაიას დაბადებიდან 80 წლის იუბილისადმი მიძღვნილი ხსოვნის ღონისძიება გაიმართა.

საღამოზე შესრულდა ქართული საგალობლები, ასევე წარმოდგენილი იყო ლექსები და მუსიკალური ნომრები. კონცერტი ლია სალაყაიას შემოქმედებით საქმიანობასა და ქართული გალობის განვითარებაში მის ღვაწლს მიეძღვნა.

ლია სალაყაიას განსაკუთრებული წვლილი მიუძღვის ახალგაზრდებისთვის ქართული გალობის სწავლებასა და ქართული ეკლესიის სულიერი და ზნეობრივი ღირებულებების დამკვიდრებაში. მისი საქმიანობა აფხაზეთთან დაკავშირებული კულტურული და სულიერი მემკვიდრეობისთვის განსაკუთრებით მნიშვნელოვანია.