ხელვაჩაურის კულტურის ცენტრში, აჭარის კულტურის სამინისტროს შემოქმედებითი პროექტების საგრანტო კონკურსის გამარჯვებული პროექტის „არ დავივიწყოთ ქართული“ ფარგლებში, თეატრალური წარმოდგენის „ფესვები საქართველოა“ პრეზენტაცია გაიმართა.

ღონისძიებას აფხაზეთის ა.რ იძულებით გადაადგილებულ პირთა მინისტრი დავით ფაცაცია ადგილობრივ ხელისუფლების წარმომადგენლებთან ერთად დაესწრო.


სპექტაკლში 8-დან 18 წლამდე ასაკის სკოლის მოსწავლეები, მათ შორის აჭარაში მცხოვრები აფხაზეთიდან იძულებით გადაადგილებული ახალგაზრდები მონაწილეობდნენ.