კინოს სახლში აფხაზეთელი ავტორის, ნინო მირცხულავას მხატვრული ფილმის „დაუვიწყარი სიყვარული“ პრემიერა გაიმართა.

ფილმი აფხაზეთის ომში უგზო-უკვლოდ დაკარგული ადამიანების ხსოვნას ეძღვნება და სიყვარულის, ტკივილისა და იმედის ისტორიას ასახავს. ფილმის სიუჟეტი ბავშვობიდან, ერთი სასკოლო მერხიდან დაწყებულ სიყვარულზე მოგვითხრობს, რომელსაც ომი ტრაგიკულად წყვეტს.

ფილმი მაყურებელს სოხუმის ქუჩებში ამოგზაურებს და ახსენებს იმ დროს, როდესაც ომამდე სხვადასხვა ეროვნების ადამიანები მშვიდობიანად, სიყვარულითა და ურთიერთპატივისცემით ცხოვრობდნენ.

პრემიერას აფხაზეთის ა.რ უმაღლესი საბჭოს თავმჯდომარე ჯემალ გამახარია და მოწვეული სტუმრები დაესწრნენ.