აფხაზეთიდან იძულებით გადაადგილებული მოსახლეობისთვის სამედიცინო სკრინინგი გაიმართება:

• 19 სექტემბერი, 10:00 საათი - რუხის რესპუბლიკური საავადმყოფო;
• 20 სექტემბერი, 11:00 საათი - ჩხოროწყუ.

ღონისძიებაში მონაწილეობას მიიღებს 15 ექიმი სხვადასხვა სამედიცინო მიმართულებით, მათ შორის: ენდოკრინოლოგი, ნევროლოგი, ონკოლოგ-მამოლოგი, ორთოპედ-ტრავმატოლოგი, ანგიოლოგი, ოფთალმოლოგი, პედიატრი, კარდიოლოგი, რადიოლოგი, ოტორინოლარინგოლოგი, ქირურგი, უროლოგი.

ბენეფიციარებს შესაძლებლობა ექნებათ თბილისიდან მოწვეული წამყვანი ექიმი-სპეციალისტებთან გაიარონ კონსულტაციები, ექიმის დანიშნულების საფუძველზე კი მიიღონ საჭირო მედიკამენტები.

ღონისძიება აფხაზეთის ა.რ ჯანმრთელობისა და სოციალური დაცვის სამინისტროს ორგანიზებით ტარდება.

დამატებითი ინფორმაციისთვის დარეკეთ აფხაზეთის ა.რ მთავრობის ცხელ ხაზზე - 143.