ზუგდიდში, ზვიად გამსახურდიას საპრეზიდენტო ცენტრში, „მშვიდობის ელჩებისა“ და „მრავალშვილიანი დედები საქართველოს“ ორგანიზებით შეხვედრა გაიმართა.

ღონისძიებაზე „მშვიდობის ელჩებმა“ საქმიანობისა და განხორციელებული პროექტების ანგარიში წარადგინეს. ასევე, აფხაზეთის მრავალშვილიანი დედები ღვაწლისთვის აფხაზეთის უმაღლესი საბჭოს სიგელებით დააჯილდოვეს.

შეხვედრა დოკუმენტურ-მხატვრული ფილმის „ინგირს მელე“ ჩვენებით დასრულდა.

ღონისძიებას აფხაზეთის მთავრობისა და უმაღლესი საბჭოს წარმომადგენლები, საქართველოს პარლამენტის წევრი გრეტა წიწავა, არასამთავრობო ორგანიზაციებისა და დევნილი საზოგადოების წარმომადგენლები ესწრებოდნენ.