ბათუმმა „შავი ზღვის თაფლის ფესტივალს“ უმასპინძლა, რომლის ფარგლებშიც მონაწილეობა მიიღეს აფხაზეთის ავტონომიური რესპუბლიკის სავაჭრო-სამრეწველო პალატამ და აფხაზეთიდან დევნილმა მეწარმეებმა. ღონისძიებაზე დევნილმა მეწარმეებმა დამთვალიერებლებს თაფლისა და  სხვადასხვა სახეობის პროდუქცია, ასევე უნიკალური ხელნაკეთი სუვენირები და აქსესუარები წარუდგინეს.

ფესტივალი აჭარის ავტონომიური რესპუბლიკის სოფლის მეურნეობისა და გარემოს დაცვის სამინისტროს, აჭარის მეფუტკრეობის ბიზნეს ასოციაციისა და აჭარის სამრეწველო პალატის ორგანიზებით გაიმართა.

ღონისძიებას ადგილობრივი ხელისუფლების წარმომადგენლებთან ერთად აფხაზეთის ავტონომიური რესპუბლიკის ფინანსთა და ეკონომიკის მინისტრის მოადგილე მიხეილ ანჩაბაძეც დაესწრო.