მოქალაქეთა მიღება ერთ სივრცეში - აფხაზეთის ა.რ ჯანმრთელობისა და სოციალური დაცვის სამინისტროსა და აფხაზეთის ა.რ იძულებით გადაადგილებულ პირთა სამინისტროს მოქალაქეთა მისაღები ახალ სივრცეში განაგრძობს მუშაობას.

აფხაზეთიდან დევნილ მოსახლეობას შესაძლებლობა ექნებათ მიიღონ ინფორმაცია სამინისტროების პროგრამებისა და ქვეპროგრამების, გათვალისწინებული სერვისებისა და მათი მიღების პირობების შესახებ; ასევე წარადგინონ განცხადებები და შესაბამისი დოკუმენტაცია.

მოქალაქეთა მისაღები მუშაობს ორშაბათიდან პარასკევის ჩათვლით 09:00-დან 18:00 საათამდე ვაჟა-ფშაველას №16-ში.

ახალი სივრცის მიზანია მოქალაქეებისთვის ორი უწყების მომსახურებისა და საჭირო ინფორმაციის ერთ სივრცეში მიღების შესაძლებლობის შექმნა და შესაბამის მომსახურებაზე წვდომის გამარტივება.