აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე სტამბოლში მსოფლიო პატრიარქ ბართლომე I-ს შეხვდა.

გიორგი ჯინჭარაძემ მსოფლიო პატრიარქს მადლობა გადაუხადა დევნილი ბავშვების მხარდაჭერისა და კუნძულ ქინალიადაზე, საერთაშორისო საზაფხულო ბანაკში, მათი მასპინძლობისთვის.

შეხვედრაზე მხარეებმა განიხილეს აფხაზეთიდან იძულებით გადაადგილებულ პირთა უფლებების დაცვის საკითხები, ასევე აფხაზეთში მართლმადიდებლური ტაძრებისა და კულტურული მემკვიდრეობის დაცვის მნიშვნელობა.

მსოფლიო პატრიარქმა ბართლომე I-მა კიდევ ერთხელ დაადასტურა საქართველოს ტერიტორიული მთლიანობისა და სუვერენიტეტისადმი მხარდაჭერა.