აფხაზეთის ავტონომიური რესპუბლიკის სავაჭრო-სამრეწველო პალატის ორგანიზებითა და მთავრობის მხარდაჭერით, აფხაზეთიდან დევნილი მეწარმეებისთვის ელექტრონული კომერციის თემაზე ტრენინგი გაიმართა.

მონაწილეები გაეცნენ ონლაინ ვაჭრობის თანამედროვე მეთოდებს, საერთაშორისო პლატფორმების გამოყენებისა და პროდუქციის ეფექტიანად წარდგენის პრინციპებს.

ტრენინგი მიზნად ისახავდა დევნილი მეწარმეებისთვის პრაქტიკული ცოდნის გაზიარებას, მათი ბიზნესის განვითარებისა და ეკონომიკური გაძლიერების ხელშეწყობას.