აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე, გური ბაქრაძე, საქართველოში ქრისტიანობის გავრცელების 1700 წლის იუბილესადმი მიძღვნილ საზეიმო საღამოს დაესწრო.

პროექტის „საქართველო ქრისტიანული სახელმწიფო – 1700“ ფარგლებში, თბილისის ოპერისა და ბალეტის სახელმწიფო თეატრში გაიმართა ჯუზეპე ვერდის „რეკვიემის“ შესრულება. კონცერტს დირიჟორობდა აფხაზეთის სახელმწიფო საგუნდო კაპელის სამხატვრო ხელმძღვანელი ზვიად ბოლქვაძე.

საიუბილეო საღამო საქართველოს კულტურის სამინისტროსა და „შემოქმედებითი საქართველოს“ მხარდაჭერით გაიმართა.

პროექტი „საქართველო ქრისტიანული სახელმწიფო – 1700“ მთელი წლის განმავლობაში მრავალფეროვან კულტურულ ღონისძიებებს აერთიანებს, რომლებიც საქართველოში ქრისტიანობის გავრცელების 1700 წლის იუბილეს აღნიშვნას ეძღვნება.