თურქეთის რესპუბლიკაში სამუშაო ვიზიტის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, ქართული დელეგაციის წევრებთან ერთად, მსოფლიო პატრიარქ ბართლომეოს I-ის მიწვევით, მსოფლიო საპატრიარქოს რეზიდენციასთან არსებულ წმინდა გიორგის სახელობის ტაძარში საქართველოს კათოლიკოს-პატრიარქის, ილია II-ის, სულის მოსახსენებელ პანაშვიდს დაესწრო.

პანაშვიდის დასრულების შემდეგ, მსოფლიო პატრიარქმა ქართულ დელეგაციას მსოფლიო საპატრიარქოს რეზიდენციაში უმასპინძლა.

შეხვედრაზე ხაზი გაესვა საქართველოსა და მსოფლიო საპატრიარქოს შორის არსებულ მრავალსაუკუნოვან ისტორიულ, კულტურულ და სულიერ კავშირებს.