აფხაზეთის ა. რ მთავრობის თავმჯდომარე გიორგი ჯინჭარაძე ხონის მუნიციპალიტეტში აფხაზეთიდან იძულებით გადაადგილებული პირებისთვის მიმდინარე უფასო სამედიცინო გამოკვლევების აქციის მიმდინარეობას გაეცნო.

აქცია, რომელიც აფხაზეთის ა. რ ჯანმრთელობისა და სოციალური დაცვის სამინისტროს ინიციატივით ხონისა და მარტვილის მუნიციპალიტეტებში გაიმართა, მთელი ქვეყნის მასშტაბით ეტაპობრივად მიმდინარეობს.

აქციის ფარგლებში, სხვადასხვა პროფილის მაღალკვალიფიციურმა ექიმებმა დევნილ ბენეფიციარებს უფასო კონსულტაციები და საჭირო გამოკვლევები ჩაუტარეს, ხოლო ექიმების დანიშნულების შესაბამისად, საჭირო მედიკამენტებიც უფასოდ გადასცეს. ღონისძიებას ადგილობრივი ხელისუფლების წარმომადგენლები ესწრებოდნენ.