აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ საქართველოს ეროვნულ ბიბლიოთეკაში საზოგადოების სხვადასხვა სფეროს წარმომადგენლებს სამინისტროს საქმიანობის ანგარიში წარუდგინა.

 მინისტრმა ისაუბრა სამინისტროს პრიორიტეტულ მიმართულებებზე, განხორციელებულ და მიმდინარე პროექტებზე, ასევე სამომავლო გეგმებზე. შეხვედრაზე ყურადღება გამახვილდა საქართველოს გაერთიანებისა და ქართულ-აფხაზური ურთიერთობების აღდგენის პროცესში საზოგადოების აქტიური ჩართულობის მნიშვნელობაზე.

 ღონისძიების ფარგლებში გაიმართა პოეტ გური ოტობაიასა და რამაზ გახოკიძის პუბლიცისტური წიგნების პრეზენტაცია, რომლებიც საქართველოს ერთიანობისა და აფხაზეთის საკითხს ეძღვნება.