ზუგდიდში, ზვიად გამსახურდიას სახელობის საპრეზიდენტო ცენტრში, აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს პროექტის „საერთო მემკვიდრეობა - საერთო მომავალი“ დასკვნითი ღონისძიება გაიმართა.

პროექტში აფხაზეთიდან დევნილი და ეთნიკურად აფხაზი 12-16 წლის 30 მოზარდი მონაწილეობდა. ერთი კვირის განმავლობაში მათ საერთო კულტურული მემკვიდრეობის, მულტიკულტურალიზმისა და სამოქალაქო პასუხისმგებლობის საკითხებზე ტრენინგები გაიარეს.

დასკვნით  ღონისძიებაზე პროექტის მონაწილეებმა ერთი კვირის განმავლობაში მიღებული გამოცდილება პრეზენტაციების სახით წარადგინეს, რის შემდეგაც მათ სერტიფიკატები  გადაეცათ.

პროექტის მიზანი ახალგაზრდებში საერთო კულტურული მემკვიდრეობის შესახებ ცნობიერების ამაღლება, სამოქალაქო ინტეგრაციის ხელშეწყობა და აქტიური სამოქალაქო პასუხისმგებლობის გაძლიერება იყო.