აფხაზეთიდან დევნილი მოზარდები საერთაშორისო საზაფხულო პროგრამით ესპანეთში გაემგზავრნენ. მონაწილეები ორ თვეს, მოხალისე ოჯახებში გაატარებენ.

პროგრამის ფარგლებში ისინი ქვეყნის კულტურას, ტრადიციებსა და ყოველდღიურ ცხოვრებას გაეცნობიან, რაც მათ საერთაშორისო გამოცდილების მიღებისა და პიროვნული განვითარების შესაძლებლობას მისცემს.

პროგრამის მონაწილეებს გამგზავრებამდე აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრი ალიონა ჩხოტუა და განათლებისა და კულტურის მინისტრი გიორგი ძაძამია შეხვდნენ.