აფხაზეთის ა.რ ჯანმრთელობისა და სოციალური დაცვის სამინისტროსა და დევნილთა, ეკომიგრანტთა და საარსებო წყაროებით უზრუნველყოფის სააგენტოს შორის თანამშრომლობის მემორანდუმი გაფორმდა.

დოკუმენტი უწყებებს შორის თანამშრომლობის გაძლიერებასა და ინფორმაციის გაცვლის ეფექტიანი მექანიზმის განვითარებას ისახავს მიზნად, რაც აფხაზეთიდან იძულებით გადაადგილებული პირებისთვის სახელმწიფო სერვისების ხელმისაწვდომობის გაუმჯობესებას შეუწყობს ხელს.