აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს პროექტი „ციფრული განვითარების სივრცე ახალგაზრდებისთვის“ დასრულდა.

პროექტის შემაჯამებელ ღონისძიებაზე მონაწილეებმა საკუთარი ნამუშევრები და პრეზენტაციები წარადგინეს, რომლებშიც პროექტის ფარგლებში მიღებული ცოდნა და განვითარებული უნარები წარმოაჩინეს.

მონაწილეებს სერტიფიკატები აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა ალიონა ჩხოტუამ და აფხაზეთის განათლებისა და კულტურის მინისტრმა გიორგი ძაძამიამ გადასცეს. სერტიფიკატები თავად მონაწილეების მიერ შექმნილი დიზაინით იყო გაფორმებული.

პროექტი ერთი თვის განმავლობაში თბილისსა და რუსთავში მიმდინარეობდა. მასში აფხაზეთიდან დევნილი 14–17 წლის ასაკის 80 მოზარდი მონაწილეობდა.