ტამიშის ბრძოლიდან 33 წელი გავიდა. ამ თარიღთან დაკავშირებით, აფხაზეთის ავტონომიური რესპუბლიკის მთავრობის, აფხაზეთის უმაღლესი საბჭოს, ვეტერანების საქმეთა სახელმწიფო სამსახურისა და აფხაზეთის მეომართა კავშირის წარმომადგენლებმა საქართველოს ერთიანობისთვის ბრძოლაში დაღუპული გმირების ხსოვნას პატივი მიაგეს.

1993 წლის 2 ივლისს, ტამიშთან გამართული ბრძოლის დროს, ქართველმა მებრძოლებმა მძიმე დანაკარგების მიუხედავად, მტრის საზღვაო დესანტის მოგერიება შეძლეს.