ქობულეთის მუნიციპალიტეტში მცხოვრები აფხაზეთიდან იძულებით გადაადგილებული პირებისთვის უფასო სამედიცინო აქცია ჩატარდა.

ბენეფიციარებს სხვადასხვა პროფილის ექიმი-სპეციალისტები მოემსახურნენ, ჩაუტარდათ კონსულტაციები და კვლევები, საჭიროების შემთხვევაში კი მედიკამენტებიც გადაეცათ.

ღონისძიების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ბესიკ კუსიდი გაეცნო.

აფხაზეთის ჯანდაცვის სამინისტრო დევნილი მოსახლეობისთვის მსგავსი სახის სამედიცინო აქციების განხორციელებას საქართველოს სხვადასხვა რეგიონში სისტემატურად აგრძელებს.