აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე საჯარო სერვისების გაეროს ფორუმის გახსნის ღონისძიებას დაესწრო.

ღონისძიებაზე სიტყვით გამოსვლისას, საქართველოს პრემიერ-მინისტრმა ირაკლი კობახიძემ ფორუმის სტუმრებს საჯარო სერვისების საერთაშორისო დღე მიულოცა და საჯარო მოხელეებს, რომლებიც სახელმწიფოს პროფესიონალიზმით, პასუხისმგებლობითა და ერთგულებით ემსახურებიან, მადლობა გადაუხადა.

პრემიერ-მინისტრმა საჯარო მმართველობის რეფორმის ერთ-ერთ ყველაზე წარმატებულ შედეგად დაასახელა იუსტიციის სახლების მოდელი და აღნიშნა, რომ დღეს ქვეყნის მასშტაბით ფუნქციონირებს 127 იუსტიციის სახლი, სადაც მოქალაქეებს ერთ სივრცეში 500-ზე მეტი საჯარო და კერძო სერვისის მიღება შეუძლიათ.

ფორუმის გახსნით სესიაზე სიტყვით გამოვიდნენ საქართველოს იუსტიციის მინისტრი პაატა სალია და გაეროს გენერალური მდივნის მოადგილე ეკონომიკურ და სოციალურ საკითხებში ლი ჯუნჰუა.