აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ჯანმრთელობისა და სოციალური დაცვის მინისტრ ბესიკ კუსიდისთან ერთად, წყალტუბოში იმყოფებოდა, სადაც აფხაზეთიდან დევნილი ვეტერანების ფსიქოსოციალური და ფიზიკური რეაბილიტაციის მხარდამჭერი პროგრამის მიმდინარეობას პირადად გაეცნო და ბენეფიციარებს შეხვდა.

შეხვედრაზე ვეტერანების მხარდაჭერის გაძლიერებასა და სამომავლო გეგმებზე ისაუბრეს. გიორგი ჯინჭარაძემ აღნიშნა, რომ დევნილი ვეტერანების ხელშეწყობა აფხაზეთის მთავრობის ერთ-ერთი მთავარი პრიორიტეტია.

პროგრამა აფხაზეთიდან დევნილ, საქართველოს ტერიტორიული მთლიანობისთვის მებრძოლ ვეტერანებს ფიზიკური რეაბილიტაციისა და პროფესიული კონსულტაციების მიღების შესაძლებლობას სთავაზობს.