აფხაზეთის ა.რ უმაღლეს საბჭოში პრეზიდიუმისა და პლენალური სხდომები გაიმართა, რომლის ფარგლებში ინტერპელაციის წესით მოისმინეს აფხაზეთის ა.რ იძულებით გადაადგილებულ პირთა მინისტრის, დავით ფაცაციას, ანგარიში.

მინისტრმა ყურადღება გამახვილა დევნილთა საცხოვრებელი და სოციალური პირობების გაუმჯობესების მიმართულებით განხორციელებულ ღონისძიებებზე. აღინიშნა, რომ 2025 წელს სამინისტროს სისტემის მიერ დევნილთა განსახლების 99 ობიექტზე შესრულდა 1 105 390 ლარის ღირებულების ინფრასტრუქტურული სამუშაოები, ხოლო სხვადასხვა სოციალური პროგრამის ფარგლებში დახმარება 4 476 ბენეფიციარს გაეწია.

დავით ფაცაციამ ასევე ისაუბრა დევნილთა, ეკომიგრანტთა და საარსებო წყაროებით უზრუნველყოფის სააგენტოსთან, ასევე სხვა სახელმწიფო უწყებებთან თანამშრომლობის შედეგებზე, რომლის ფარგლებშიც არაერთი პროექტი განხორციელდა აფხაზეთიდან დევნილი და ოკუპირებულ ტერიტორიაზე მცხოვრები მოსახლეობის მხარდასაჭერად.

შეხვედრა კითხვა-პასუხის რეჟიმში გაგრძელდა, სადაც დეპუტატებმა მათთვის საინტერესო საკითხებზე მინისტრისგან დამატებითი განმარტებები მიიღეს.