აფხაზეთის ა.რ სამთავრობო დელეგაცია, მთავრობის თავმჯდომარის გიორგი ჯინჭარაძის ხელმძღვანელობით, იტალიის ქალაქ პალერმოს სამუშაო ვიზიტით ეწვია.

ვიზიტის ფარგლებში დელეგაციამ სიცილიის ქალაქ პალერმოს ბიბლიოთეკა მოინახულა, სადაც ინახება იტალიელი მისიონერისა და მოგზაურის, კრისტოფორო დე კასტელის არქივი.

საცავებში დაცულია შვიდი ალბომი, ასობით ჩანახატი, ესკიზი და სამოგზაურო ჩანაწერი რომლებიც XVII საუკუნის საქართველოს შესახებ მნიშვნელოვან ისტორიულ მასალას წარმოადგენს.

დელეგაცია გაეცნო საქართველოს ისტორიის, კულტურისა და საზოგადოებრივ ცხოვრების ამსახველ დოკუმენტებსა და ვიზუალურ მასალებს, მათ შორის ჩანახატებს, რომლებიც აფხაზეთს უკავშირდება.

შეხვედრის ფარგლებში მხარეებმა განიხილეს თანამშრომლობის გაღრმავების, ერთობლივი კულტურული პროექტებისა და გამოფენების განხორციელები შესაძლებლობები.

 ასევე აღინიშნა საქართველოსა და იტალიას შორის არსებული მრავალწლიანი კულტურული კავშირების მნიშვნელობა.