აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია თბილისის №71 საჯარო სკოლას ეწვია, სადაც აფხაზეთიდან დევნილ მოსწავლეებს შეხვდა.

ვიზიტის ფარგლებში მან დაწყებითი საფეხურის კურსდამთავრებულებს სწავლების წარმატებით დასრულება მიულოცა და მომავალ საქმიანობაში წარმატებები უსურვა.

შეხვედრისას მინისტრმა ახალგაზრდებს სამინისტროს მიერ განხორციელებული პროექტები და სამომავლო შესაძლებლობები გააცნო. მოსწავლეებს შესაძლებლობა ჰქონდათ, მათთვის საინტერესო საკითხებზე კითხვები დაესვათ და პასუხები მიეღოთ.