სრულიად საქართველოს კათოლიკოს-პატრიარქმა, უწმინდესმა და უნეტარესმა შიო III-მ ოფიციალური შეხვედრა გამართა აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძესთან. მხარეებმა ქვეყნის წინაშე არსებულ გამოწვევებზე, აფხაზეთის საკითხზე, ქართველებისა და აფხაზების მრავალსაუკუნოვან ურთიერთობებსა და საერთო კულტურულ-სულიერ მემკვიდრეობაზე ისაუბრეს.

პატრიარქმა განსაკუთრებული სითბოთი აღნიშნა აფხაზეთის რეგიონი, იქაური მოსახლეობა, დევნილები და ხაზი გაუსვა შერიგების, ურთიერთპატივისცემისა და მშვიდობიანი თანაცხოვრების მნიშვნელობას. მისი თქმით, საერთო მომავალი სიყვარულს, ურთიერთგაგებასა და ისტორიული ღირებულებების პატივისცემას უნდა დაეფუძნოს.

შეხვედრისას კიდევ ერთხელ გამოიხატა მტკიცე რწმენა, რომ აფხაზეთი საქართველოს განუყოფელი ნაწილია და ქვეყნის გამთლიანება მშვიდობის, ერთიანობისა და შერიგების გზით მოხდება. აღინიშნა უწმინდესის ლოცვისა და სულიერი მხარდაჭერის განსაკუთრებული მნიშვნელობა სრულიად საქართველოსთვის.