აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, სამეგრელო-ზემო სვანეთის სახელმწიფო რწმუნებულ დავით ვერავასთან, აფხაზეთის ა.რ. იძულებით გადაადგილებულ პირთა მინისტრ დავით ფაცაციასთან და ადგილობრივი ხელისუფლების წარმომადგენლებთან ერთად, სამეგრელო-ზემო სვანეთის რეგიონში იმყოფებოდა.

ვიზიტის ფარგლებში მთავრობის თავმჯდომარე ქალაქ ჯვარსა და ფოთში მცხოვრებ დევნილ მოსახლეობას შეხვდა და მრავალბინიან საცხოვრებელ კორპუსებში განხორციელებული სარეაბილიტაციო სამუშაოები დაათვალიერა.

შეხვედრაზე დევნილი მოსახლეობის საჭიროებები და ინფრასტრუქტურული პროექტების განხორციელების საკითხები განიხილეს.