აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილის თანამდებობაზე გური ბაქრაძე დაინიშნა.

ახლად დანიშნული პირველი მოადგილე სამინისტროს თანამშრომლებს აფხაზეთის ა.რ. განათლებისა და კულტურის მინისტრმა გიორგი ძაძამიამ ოფიციალურად წარუდგინა.

გური ბაქრაძეს მიღებული აქვს განათლება საერთაშორისო ურთიერთობებისა და პოლიტიკური ფილოსოფიის მიმართულებით. მას მრავალწლიანი გამოცდილება აქვს საჯარო სექტორში საქმიანობის კუთხით, მათ შორის საქართველოს თავდაცვის სამინისტროში. სხვადასხვა პერიოდში იგი საქმიანობდა ანალიტიკოსისა და პროექტების მენეჯერის პოზიციებზე, ასევე ხელმძღვანელობდა არაერთ მნიშვნელოვან პროექტს.