„აფხაზეთობის კვირეულის“ ფარგლებში, სოხუმის სახელმწიფო უნივერსიტეტში გაიმართა ღონისძიება - „ახალგაზრდების როლი ქართულ-აფხაზურ ურთიერთობებსა და სამშვიდობო პოლიტიკაში“.

დისკუსიაში მონაწილეობდნენ აფხაზეთის ა.რ მთავრობის თავმჯდომარე გიორგი ჯინჭარაძე, საქართველოს პარლამენტის პირველი ვიცე-სპიკერი გიორგი ვოლსკი და მოწვეული სტუმრები. შეხვედრაზე ყურადღება გამახვილდა ქართულ-აფხაზური დიალოგის მნიშვნელობასა და სამშვიდობო პროცესებში ახალგაზრდების აქტიური ჩართულობის აუცილებლობაზე.

ღონისძიების ფარგლებში გაიმართა ლიტერატურულ-თეატრალური წარმოდგენა და აფხაზეთის ისტორიულ-კულტურული მემკვიდრეობის ამსახველი ფოტოგამოფენა.