23 მაისს, აფხაზეთობისა და მოციქულ სვიმონ კანანელის ხსენების დღესთან დაკავშირებით, თბილისის წმინდა სამების საკათედრო ტაძარში საზეიმო ღვთისმსახურება გაიმართა. ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, უმაღლესი საბჭოს თავმჯდომარე ჯემალ გამახარია, მთავრობისა და უმაღლესი საბჭოს წევრები, ასევე დევნილი საზოგადოებისა და სხვადასხვა უწყების წარმომადგენლები დაესწრნენ.

საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა შიო III-მ საქართველოს ტერიტორიული მთლიანობისათვის დაღუპულ მებრძოლთა სულების მოსახსენებელი პანაშვიდი და ქვეყნის მშვიდობისა და ერთობისათვის პარაკლისი აღავლინა.

აფხაზეთის დღე 23 მაისს, სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ლოცვა-კურთხევით, 2014 წლიდან აღინიშნება.