აფხაზეთის ავტონომიური რესპუბლიკის მთავრობის ორგანიზებით, „აფხაზეთობის კვირეულის“ ფარგლებში, „ბაზარი ორბელიანზე“ კულტურული და შემოქმედებითი ღონისძიებები გაიმართა.

მოეწყო აფხაზეთიდან დევნილი მეწარმეების პროდუქციის გამოფენა-გაყიდვა, სადაც წარმოდგენილი იყო ადგილობრივი წარმოების პროდუქცია და ხელნაკეთი ნივთები. გაიმართა ქართული კალიგრაფიის მასტერკლასები და ბავშვთა ანსამბლ „შავნაბადას“ კონცერტი.

ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, თბილისის საკრებულოს თავმჯდომარის მოადგილე თინათინ ნიბლოშვილი და აფხაზეთის მთავრობის წევრები ესწრებოდნენ.