აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძის ხელმძღვანელობით მთავრობის მორიგი სხდომა გაიმართა, სადაც 2026 წლის რესპუბლიკურ ბიუჯეტში დაგეგმილი ცვლილებები განიხილეს.

გიორგი ჯინჭარაძის განცხადებით, ბიუჯეტი დამატებით 10%-ით იზრდება და 50 მილიონ ლარს გადააჭარბებს. მისივე თქმით, გაზრდილი დაფინანსება მიმართული იქნება დევნილი მოსახლეობის სოციალური მხარდაჭერის, ჯანდაცვის, განათლებისა და ინფრასტრუქტურული პროექტების გაძლიერებისკენ.

მთავრობის თავმჯდომარემ აღნიშნა, რომ გაიზარდა ბავშვთა აბილიტაციის პროგრამის დაფინანსება, ასევე გაფართოვდა საზღვარგარეთ მკურნალობის, ონკოლოგიური პაციენტებისა და მაღალტექნოლოგიური კვლევების მხარდაჭერა. დევნილთა ინფრასტრუქტურული მხარდაჭერის პროგრამისთვის 2 მილიონი ლარი გამოიყო, ხოლო სოფლის მეურნეობის მხარდამჭერი პროგრამების დაფინანსება მნიშვნელოვნად გაიზარდა.