1923 წლის 21 მაისს, ბოლშევიკურმა საოკუპაციო ხელისუფლებამ გენერალი კოტე აფხაზი და 14 თანამებრძოლი დღევანდელი ვაკის პარკის ტერიტორიაზე დახვრიტა.

მათი ხსოვნის პატივსაცემად, ვაკის პარკში მდებარე მემორიალთან გაიმართა ღონისძიება, რომელსაც დაესწრნენ დაღუპულთა შთამომავლები, თავადაზნაურთა საკრებულოს წარმომადგენლები და მოწვეული სტუმრები.

დამსწრეებმა პატივი მიაგეს სამშობლოს თავისუფლებისთვის თავდადებულ გმირებს და კიდევ ერთხელ აღნიშნეს მათი წვლილი საქართველოს დამოუკიდებლობისთვის ბრძოლაში.