„აფხაზეთობის კვირეულის“ ფარგლებში, თბილისში, ილუზიების მუზეუმში, აფხაზეთის საინფორმაციო-ანალიტიკური ცენტრის მედიაპროექტ „მიამბე აფხაზეთზე“ საიუბილეო ღონისძიება გაიმართა.

პროექტი აერთიანებს საზოგადო მოღვაწეების აფხაზეთთან დაკავშირებულ პირად მოგონებებს, ემოციებს და წლების განმავლობაში მნიშვნელოვან მედიაარქივად ჩამოყალიბდა.

ღონისძიებას ესწრებოდნენ აფხაზეთის ავტონომიური რესპუბლიკის მთავრობის წევრები და უმაღლესი საბჭოს წარმომადგენლები, ასევე პროექტის მონაწილეები და საზოგადოებისათვის ცნობილი სახეები.

საიუბილეო ღონისძიება აფხაზეთის ავტონომიური რესპუბლიკის მთავრობის მხარდაჭერით გაიმართა.