თბილისში, სამების საკათედრო ტაძარში, ორი დღის განმავლობაში მიმდინარეობდა ოკუპირებული აფხაზეთიდან გადმოსვენებული, 1990-იანი წლების შეიარაღებული კონფლიქტის დროს უგზო-უკვლოდ დაკარგულ პირთა სამოქალაქო პანაშვიდი.

შერიგებისა და სამოქალაქო თანასწორობის საკითხებში სახელმწიფო მინისტრის აპარატსა და წითელი ჯვრის საერთაშორისო კომიტეტს თანამშრომლობის შედეგად, იდენტიფიცირდა 11 პირი, რომელთა ნეშტებიც ოჯახებს გადაეცა.

სამოქალაქო პანაშვიდს ესწრებოდნენ საქართველოს პრემიერ-მინისტრი, აფხაზეთის ავტონომიური რესპუბლიკის მთავრობის თავმჯდომარე და მთავრობის წევრები.

დაღუპულებს სამხედრო პატივით, ქვეყნის სხვადასხვა რეგიონში დაკრძალავენ.