ზუგდიდში, ეროვნულ გმირთა პარკში, გმირი მფრინავის, ზურაბ იარაჯულის ბიუსტი გაიხსნა. მონუმენტი „აფხაზეთის მეომართა კავშირის“ ინიციატივით აღიმართა და აფხაზეთის ომში გმირულად დაღუპული მფრინავის ხსოვნას მიეძღვნა.

ღონისძიებას აფხაზეთის მთავრობის თავმჯდომარე გიორგი ჯინჭარაძე, ხელისუფლების წარმომადგენლები, ვეტერანები და გმირის ოჯახის წევრები დაესწრნენ. სიტყვით გამომსვლელებმა ზურაბ იარაჯულის გმირობა და სამშობლოსადმი ერთგულება გაიხსენეს.

ღონისძიების ფარგლებში ასევე გამოცხადდა, რომ „აფხაზეთის მეომართა კავშირის“ ცენტრალური ოფისი ზუგდიდში გაიხსნება.