ქართულმა სამეცნიერო და საგანმანათლებლო სივრცემ დაკარგა ისტორიის მეცნიერებათა დოქტორი, პროფესორი ოთარ ჟორდანია - ცნობილი მეცნიერი, მკვლევარი და ღვაწლმოსილი პედაგოგი.

პროფესორ ოთარ ჟორდანიას ეკუთვნის 130-ზე მეტი სამეცნიერო ნაშრომი და მონოგრაფია. იგი იყო საქართველოს ისტორიკოსთა კომიტეტის ვიცე-პრეზიდენტი, ექვთიმე თაყაიშვილის სახელობის საისტორიო საზოგადოების თავმჯდომარე, ცხუმ-აფხაზეთის მეცნიერებათა აკადემიის დამფუძნებელი და პირველი პრეზიდენტი.

განსაკუთრებით აღსანიშნავია მისი ღვაწლი დევნილობაში მყოფი სოხუმის სახელმწიფო უნივერსიტეტის შენარჩუნებისა და განვითარების საქმეში. ურთულეს წლებში მან შეძლო უნივერსიტეტის სამეცნიერო და საგანმანათლებლო საქმიანობის გაგრძელება.

პროფესორ ოთარ ჟორდანიას მნიშვნელოვანი წვლილი მიუძღვის ახალგაზრდა თაობების აღზრდასა და ქართული მეცნიერების განვითარებაში.