ციცინო ბუკიას საბავშვო წიგნი „მდოგვის მარცვალი და ჯადოსნური ქვეყანა“ ქართულ და ინგლისურ ენებზე გამოიცა.

წიგნის ისტორია ავტორის სკოლის წლებში დაწერილი ჩანაწერებიდან იწყება, რომლებიც წლების შემდეგ ხელახლა გაცოცხლდა. ზღაპარი მკითხველს ფანტაზიის სამყაროში ამოგზაურებს და ამავდროულად ძლიერი და ერთიანი საქართველოს იდეას აერთიანებს - თემას, რომელიც გალიდან დევნილი მწერლის შემოქმედებაში განსაკუთრებულ ადგილს იკავებს.

ავტორმა შეძლო, რთული ეროვნული საკითხი თბილ და შემეცნებით თავგადასავლად ექცია, რომელიც მომავალ თაობებს უკეთესი მომავლის რწმენას უნერგავს.