საქართველოს ეროვნულ ბიბლიოთეკაში გაიმართა ღონისძიება - „აფხაზეთის ხმები - დევნილობიდან წარმატებამდე“, რომლის ინიციატორი და ორგანიზატორია სოხუმელი მწერალი, კომპოზიტორი და აფხაზეთის უმაღლესი საბჭოს სამშვიდობო ღონისძიებების კოორდინატორი ნინო მირცხულავა.

ღონისძიებაში მონაწილეობდნენ აფხაზეთიდან დევნილი სხვადასხვა სფეროს წარმატებული წარმომადგენლები, რომლებმაც საზოგადოებას საკუთარი გამოცდილება, დევნილობის რთული წლები და წარმატებისკენ განვლილი გზა გაუზიარეს.

პროექტი მიზნად ისახავს ისტორიული მეხსიერების შენარჩუნებას, ახალგაზრდებში თვითრწმენის გაძლიერებასა და აფხაზეთის კულტურული იდენტობის პოპულარიზაციას.