საქართველოს საპატრიარქოს წმინდა ანდრია პირველწოდებულის სახელობის ქართულ უნივერსიტეტში გაიმართა ინტელექტუალური კონკურსი სახელწოდებით „გაიცანი აფხაზეთი - დაიცავი მემკვიდრეობა“.

ღონისძიების ფარგლებში, მოსწავლეებს წარედგინათ „დავითიანნის“ „ტექლაბის“ მიერ შექმნილი ინოვაციური პლატფორმა, რომელიც ხელოვნური ინტელექტის გამოყენებით უზრუნველყოფს საზოგადოებისთვის აფხაზეთის ისტორიის, კულტურისა და იდენტობის შესახებ ინფორმაციის მიწოდებას.

ღონისძიების ბოლოს ახალგაზრდული მოძრაობა „დავითიანნსა“ და აფხაზეთის იძულებით გადაადგილებულ პირთა სამინისტროს შორის ურთიერთთანამშრომლობის მემორანდუმი გაფორმდა.