აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით, თელავში, სოხუმის ქუჩაზე მცხოვრები იძულებით გადაადგილებული პირებისთვის უფასო სამედიცინო აქცია მოეწყო.

აქციის ფარგლებში, თბილისიდან სპეციალურად მოწვეულმა ექიმებმა ბენეფიციარებს უფასო სამედიცინო კონსულტაციები გაუწიეს. ასევე ჩატარდა სხვადასხვა სახის ინსტრუმენტული კვლევები, მათ შორის კარდიოგრამა და ექოსკოპიური გამოკვლევები.

ექიმების რეკომენდაციის საფუძველზე, საჭიროების მქონე მოქალაქეებს შესაბამისი მედიკამენტები უფასოდ გადაეცათ.

მსგავსი სამედიცინო აქციები ქვეყნის სხვადასხვა რეგიონში მიმდინარეობს და მიზნად ისახავს იძულებით გადაადგილებული პირებისთვის ხარისხიან სამედიცინო მომსახურებაზე ხელმისაწვდომობის გაზრდას.