ფაშიზმზე გამარჯვების დღის აღნიშვნასთან დაკავშირებით, აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე ქუთაისში მცხოვრებ აფხაზეთიდან დევნილ მეორე მსოფლიო ომის ვეტერანს სახლში ეწვია.

აფხაზეთის მთავრობის თავმჯდომარის ინიციატივით, აფხაზეთიდან დევნილი ერთადერთი ვეტერანი ერთჯერადი 2000-ლარიანი ფინანსური დახმარებით ისარგებლებს.

საქართველოში 9 მაისს ფაშიზმზე გამარჯვების დღე აღინიშნება. 1945 წლის 8 მაისს გერმანიამ კაპიტულაცია გამოაცხადა, რითაც მეორე მსოფლიო ომი დასრულდა, ხოლო 9 მაისი გამარჯვების დღედ დაწესდა.