აფხაზეთის ა.რ. უმაღლეს საბჭოში აფხაზეთელი ავტორის, ნინო მირცხულავას ფილმის „დაუვიწყარი სიყვარული“ პრეზენტაცია გაიმართა.

ფილმი აფხაზეთის ომში უგზო-უკვლოდ დაკარგული გმირების ხსოვნას ეძღვნება და სიყვარულის, ტკივილისა და იმედის ემოციურ ისტორიას ასახავს. ნამუშევარი მუსიკალური ნომრებით არის გაფორმებული, რაც მის ემოციურ შინაარსს კიდევ უფრო ამძაფრებს.

აღსანიშნავია, რომ პროექტი სრულად ხელოვნური ინტელექტის გამოყენებით შეიქმნა - როგორც ვიზუალური, ისე მუსიკალური მიმართულებით, რაც ფილმს თანამედროვე და ინოვაციურ ხასიათს სძენს.

ღონისძიებას აფხაზეთის ა.რ. უმაღლესი საბჭოს თავმჯდომარე ჯემალ გამახარია, უმაღლესი საბჭოს წევრები და მოწვეული სტუმრები დაესწრნენ.