„აფხაზეთის მეომართა კავშირის“ მე-12 რიგგარეშე კონფერენცია გაიმართა, სადაც მონაწილეებს სიტყვით მიმართა აფხაზეთის ა.რ. მთავრობის თავმჯდომარემ გიორგი ჯინჭარაძემ. მან ვეტერანებს მადლობა გადაუხადა ქვეყნის წინაშე გაწეული ღვაწლისთვის და მათ მხარდაჭერაზე ისაუბრა.

კონფერენციაზე ორგანიზაციის საქმიანობა შეაჯამეს, განიხილეს მიღწევები, გამოწვევები და სამომავლო გეგმები. წევრების გადაწყვეტილებით, აფხაზეთის მეომართა კავშირის თავმჯდომარედ მეორე ვადით კვლავ ანზორ მარგიანი აირჩიეს და დამტკიცდა ორგანიზაციის ახალი წესდება.

ღონისძიებაზე დაჯილდოების ცერემონია გაიმართა, აფხაზეთის მეომართა კავშირის მეთაურთა საბჭოს თავმჯდომარემ ლევან ქეცბაიამ და მეომართა კავშირის თავმჯდომარემ ანზორ მარგიანმა  ომის ვეტერანები და მათი მხარდამჭერები   ქვეყნის წინაშე  გაწეული სამსახურისთვის, საქართველოს ტერიტორიული მთლიანობისათვის ბრძოლებში გამოჩენილი თავდადებისა და ღვაწლისთვის  დააჯილდოვეს.

ასევე, ნომინაციაში „მებრძოლთა ერთგულებისთვის“ დაჯილდოვდა აფხაზეთის საინფორმაციო-ანალიტიკური ცენტრის ჟურნალისტი იზა აბშილავა.