აფხაზეთის ავტონომიური რესპუბლიკის ფინანსთა და ეკონომიკის მინისტრი თენგიზ ნასარიძე, მინისტრის მოადგილესთან მიხეილ ანჩაბაძესთან ერთად, ზუგდიდში აფხაზეთიდან დევნილ მეწარმეებს შეხვდა.

შეხვედრის ფარგლებში მინისტრი მეწარმეების საქმიანობასა და მიმდინარე პროექტებს პირადად გაეცნო. თენგიზ ნასარიძემ ყურადღება გაამახვილა იმ სახელმწიფო პროგრამების მნიშვნელობაზე, რომლებიც დევნილი მოსახლეობის ეკონომიკურ გაძლიერებასა და მათი ბიზნესის განვითარებას უწყობს ხელს.

შეხვედრაში მონაწილეობდნენ ის დევნილი მეწარმეები, რომლებიც ჩართული არიან პროგრამაში „აწარმოე საქართველოში“ და სარგებლობენ აფხაზეთის ავტონომიური რესპუბლიკის ფინანსთა და ეკონომიკის სამინისტროს თანადაფინანსებით.