ოკუპირებული აფხაზეთის მედიასაშუალებების ინფორმაციით, სოხუმის სანაპირო ზოლში ანტიკური ხანის ნაშთები აღმოაჩინეს, რომელზეც, სავარაუდოდ, ლათინური წარწერებია დატანილი და იგი ახალი წელთაღრიცხვის II–III საუკუნეებით თარიღდება.

ქართველი სპეციალისტები აღნიშნავენ, რომ ოკუპირებულ ტერიტორიაზე მიმდინარე თვითნებური არქეოლოგიური გათხრები, საერთაშორისო სტანდარტებისა და ზედამხედველობის გარეშე, ქმნის კულტურული მემკვიდრეობის დაზიანებისა და ისტორიული კონტექსტის დაკარგვის სერიოზულ რისკებს. ასევე, ხაზგასმულია, რომ მსგავსი არტეფაქტები შესაძლოა პოლიტიკური მანიპულაციის საგნად იქცეს.