სოხუმის სახელმწიფო უნივერსიტეტში გაიმართა საქართველოს ეროვნული აკადემიის 85 წლისთავისადმი მიძღვნილი საერთაშორისო სამეცნიერო ფორუმი. ფორუმის ფარგლებში რამდენიმე დღის განმავლობაში დაგეგმილია დისკუსიები სხვადასხვა მიმართულებით, მათ შორის: ისტორია, ეთნოლოგია, ფილოლოგია, განათლების მეცნიერებები, თანამედროვე საგანმანათლებლო ტექნოლოგიები და ხელოვნური ინტელექტი, გეოგრაფია და ეკოლოგია, სამართალი, ეკონომიკა და ბიზნესი, ასევე საერთაშორისო ურთიერთობები და პოლიტიკა.

ფორუმის მონაწილეებს სიტყვით მიმართეს სოხუმის სახელმწიფო უნივერსიტეტის რექტორმა თეა ჯუღელმა, აფხაზეთის ავტონომიური რესპუბლიკის უმაღლესი საბჭოს თავმჯდომარემ ჯემალ გამახარიამ, აფხაზეთის განათლებისა და კულტურის მინისტრმა გიორგი ძაძამიამ და სხვა მოწვეულმა სტუმრებმა. მათ ყურადღება გაამახვილეს საქართველოს ეროვნული აკადემიის მნიშვნელოვან როლზე და მისი ფუნქციის გაძლიერების აუცილებლობაზე ქვეყნის განათლების, მეცნიერებისა და კულტურის განვითარების პროცესში.

ღონისძიება აერთიანებს ქართველ და უცხოელ მეცნიერებს, უნივერსიტეტების, სამეცნიერო-კვლევითი ცენტრებისა და სხვადასხვა აკადემიური ინსტიტუციების წარმომადგენლებს.