აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე წარმატებული სტუდენტების მხარდაჭერის პროგრამის მონაწილე, უმაღლესი აკადემიური მოსწრების მქონე 9 სტიპენდიატს შეხვდა.

გიორგი ჯინჭარაძემ ახალგაზრდებს მიღწეული წარმატება მიულოცა და საჩუქრად ელექტრონული წიგნების საკითხავი მოწყობილობები გადასცა.

შეხვედრაზე ისაუბრეს სტიპენდიის ფარგლებში მიღებულ დამატებით შესაძლებლობებზე, ასევე განიხილეს განათლების მიმართულებით მიმდინარე და დაგეგმილი პროგრამები, რომლებიც დევნილი სტუდენტების მხარდაჭერას ისახავს მიზნად.

შეხვედრას აფხაზეთის განათლებისა და კულტურის მინისტრი დაესწრო.