თბილისში, „დინამო არენაზე“, საქართველოს ეროვნული ლიგის მე-8 ტურის ფარგლებში გამართულ შეხვედრაში საფეხბურთო კლუბმა „გაგრამ“ „დინამო თბილისს“ მოუგო.

მატჩი „გაგრის“ უპირატესობით წარიმართა - გუნდმა ორგანიზებული და მიზანმიმართული თამაში აჩვენა, რაც საბოლოოდ ანგარიშშიც აისახა. შეხვედრის ერთადერთი გოლი „გაგრამ“ გაიტანა და მეტოქეს ქულების მოპოვების შესაძლებლობა არ დაუტოვა.

აღსანიშნავია, რომ მატჩს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, მთავრობის წევრებთან და გულშემატკივრებთან ერთად დაესწრო.

მოპოვებული გამარჯვებით „გაგრამ“ მიმდინარე სეზონში მნიშვნელოვანი სამი ქულა ჩაიწერა და კიდევ ერთხელ წარმოაჩინა საკუთარი პოტენციალი.