ძეგლებისა და ღირსშესანიშნავი ადგილების საერთაშორისო დღისადმი მიძღვნილ ღონისძიებას ბათუმში აფხაზეთის ა.რ. განათლებისა და კულტურის მინისტრი გიორგი ძაძამია დაესწრო.

კონფერენცია „შავიზღვისპირეთის არამატერიალური კულტურული მემკვიდრეობა - რეალობა და პერსპექტივები“ შეეხო სფეროს კვლევისა და დაცვის საკითხებს.

ღონისძიების ფარგლებში ნონა ქარაიამ წარადგინა მოხსენება აფხაზეთის ეთნოკულტურული სივრცის შესახებ, სადაც ტრადიციებსა და იდენტობაზე ისაუბრა.

კონფერენცია აჭარის კულტურული მემკვიდრეობის დაცვის სააგენტოს ორგანიზებით გაიმართა და მიზნად ისახავდა გამოცდილების გაზიარებასა და თანამშრომლობის გაძლიერებას.